وزیراعلیٰ پنجاب مریم نواز نے پنجاب میں موجود تمام فائر سسٹمز کا مکمل آڈٹ کرنے کا اعلان کیا ہے۔
مریم نواز نے کہا کہ فائر سسٹمز کے آڈٹ کے بعد نئے اسٹینڈرڈ آپریٹنگ پروسیجرز (ایس او پیز) تیار کیے جائیں گے اور فائر سیفٹی سسٹمز کو مزید مضبوط بنایا جائے گا۔
وزیراعلیٰ نے واضح کیا کہ سرکاری دفاتر، اسپتال، اسکول یا نجی ادارے، جہاں بھی شارٹ سرکٹ یا آگ لگنے کا خطرہ ہو، وہاں مکمل جانچ کی جائے گی تاکہ آگ کے واقعات کو بروقت روکا جا سکے اور شہریوں کی جان و مال کا تحفظ یقینی بنایا جا سکے۔