سعودی وزارت خارجہ نے کراچی کے گل پلازہ میں آتشزدگی کے واقعے میں اموات پر گہرے دکھ اور افسوس کا اظہار کیا ہے۔
وزارت خارجہ کی جانب سے جاری بیان میں کہا گیا ہے کہ افسوس کی اس گھڑی میں سعودی عرب متاثرہ خاندانوں کے ساتھ کھڑا ہے اور زخمیوں کی جلد صحتیابی کے لیے دعا گو ہے۔ سعودی وزارت خارجہ نے پاکستان اور اس کے عوام کے تحفظ اور سلامتی کی خواہش کا بھی اظہار کیا۔
واضح رہے کہ ہفتہ کی شب کراچی کے ایم اے جناح روڈ پر واقع تجارتی مرکز گل پلازہ میں خوفناک آگ لگنے کے نتیجے میں اب تک 30 افراد جاں بحق ہو چکے ہیں جبکہ تقریباً 80 افراد لاپتہ ہیں۔ امدادی اور ریسکیو سرگرمیاں حادثے کے پانچویں روز بھی جاری ہیں۔