کراچی الیکٹرک نے دھابیجی پمپنگ اسٹیشن پر 11 کے وی شٹ ڈاؤن کا باضابطہ شیڈول جاری کردیا۔
ترجمان کے مطابق دھابیجی پمپنگ اسٹیشن پر سالانہ مینٹیننس کا کام 23 جنوری بروز جمعہ کو انجام دیا جائے گا، شٹ ڈاؤن کے باعث دھابیجی پمپنگ اسٹیشن کے سیکنڈ اور تھرڈ فیز پمپ ہاؤس کے فیڈرز بند رہیں گے۔
شٹ ڈاؤن کے دوران صبح 10 بجے سے شام 6 بج کر 30 منٹ تک بجلی کی فراہمی معطل رہے گی، کے الیکٹرک کا شٹ ڈاؤن مجموعی طور پر ساڑھے آٹھ گھنٹوں پر محیط ہوگا، بجلی بندش کے باعث شہر کو پانی کی فراہمی میں تقریباً 60 ملین گیلن کمی متوقع ہے۔
ترجمان کے مطابق شہر کو معمول کے مطابق یومیہ تقریباً 650 ملین گیلن پانی فراہم کیا جاتا ہے، عارضی کمی کے باوجود شہر کو تقریباً 590 ملین گیلن پانی کی فراہمی جاری رکھی جائے گی۔
ترجمان کا کہناہ ہے کہ لیاری، صدر اور چنیسر ٹاؤن کے بعض علاقوں میں پانی کی فراہمی جزوی طور پر متاثر ہوگی، شہریوں سے اپیل کی گئی ہے کہ بجلی کی بندش اور مینٹیننس کے دوران پانی کا باکفایت استعمال کریں۔