وزیراعلیٰ پنجاب مریم نواز شریف کی ہدایت پر رحمتوں اور برکتوں والے ماہِ صیام میں نادار اور مستحق افراد کے لیے حکومتِ پنجاب نے رمضان نگہبان ریلیف پیکج کا اعلان کردیا۔
اس پیکج کے تحت صوبے بھر میں 42 لاکھ مستحق خاندانوں کو 10،10 ہزار روپے نقد امداد فراہم کی جائے گی، جبکہ نگہبان دسترخوان، رمضان نگہبان کارڈ اور سہولت بازاروں کے ذریعے بھی عوام کو ریلیف دیا جائے گا۔
حکومتِ پنجاب کے مطابق رمضان نگہبان ریلیف پیکج کی مجموعی مالیت 47 ارب روپے ہے، جس کا مقصد مہنگائی کے دباؤ کو کم کرنا اور غریب و متوسط طبقے کو رمضان المبارک میں زیادہ سے زیادہ سہولت فراہم کرنا ہے۔
یاد رہے کہ وزیراعلیٰ مریم نواز شریف نے ہدایت کی ہے کہ ریلیف کی فراہمی میں شفافیت کو یقینی بنایا جائے اور امداد مستحق افراد تک بروقت پہنچائی جائے۔