امریکا کا جدید طیارہ بردار بحری بیڑا ابراہم لنکن مشرق وسطیٰ کی سمندری حدود میں داخل ہو گیا ہے۔
امریکی میڈیا کے مطابق اس کیریئر اسٹرائیک گروپ میں لڑاکا طیارے، میزائل کروزر اور جدید ڈسٹرائرز شامل ہیں جو کسی بھی ممکنہ فوجی کارروائی کے لیے مکمل طور پر تیار ہیں۔
امریکی ذرائع نے بتایا کہ صدر ڈونلڈ ٹرمپ ایران کے خلاف ممکنہ فوجی آپشنز پر غور کر رہے ہیں تاہم امریکا کے اتحادی ممالک نے فی الحال فوجی کارروائی مؤخر کرنے پر زور دیا ہے۔
اس کے باوجود امریکی فوج نے خطے میں اپنی طاقت بڑھانے کی باضابطہ تصدیق کر دی ہے جس سے خطے میں کشیدگی میں مزید اضافہ ہونے کا خدشہ ظاہر کیا جا رہا ہے۔