امریکی ناظم الامور نیٹلی بیکر نے اسلام آباد کی امام بارگاہ میں ہونے والے خودکش حملے کی شدید مذمت کی ہے۔
اپنے بیان میں نیٹلی بیکر نے کہا کہ دھماکے میں بے گناہ نمازی جاں بحق اور زخمی ہوئے، انہوں نے متاثرہ افراد اور اہل خانہ کے ساتھ تعزیت اور ہمدردی کا اظہار کیا۔
انہوں نے مزید کہا کہ شہریوں اور عبادت گاہوں کے خلاف دہشت گردی ناقابل قبول ہے۔
نیٹلی بیکر نے کہا کہ امریکا، پاکستان کی امن اور سلامتی کے فروغ کی کوششوں کی حمایت کرتا ہے اور استحکام کے لیے اپنی شراکت داری پر قائم ہے۔