پاکستان اسپیس اینڈ اپر اٹماسفیئر ریسرچ کمیشن نے پاکستان کے انسانی خلائی پروگرام میں ایک اہم قدم اٹھاتے ہوئے دو پاکستانی امیدواروں کے انتخاب کا دوسرا مرحلہ کامیابی سے مکمل کر لیا۔
ابتدائی اسکریننگ کے بعد منتخب شدہ دونوں امیدواروں نے چین کے ایسٹروناؤٹس سینٹر میں جامع طبی، نفسیاتی اور اہلیت کے ٹیسٹ مکمل کیے، جو بین الاقوامی خلائی معیار کے مطابق تھے۔
اب امیدوار چھ ماہ کے لیے جدید خلانورد تربیت حاصل کریں گے، جس کے بعد ایک امیدوار اکتوبر یا نومبر میں چینی خلائی اسٹیشن (CSS) پر مشن کے لیے منتخب ہوگا۔
یہ قدم پاکستان اور چین کے درمیان فروری 2025 میں طے شدہ “Astronaut Cooperation Agreement” کے تحت ممکن ہوا، جس میں وزیر اعظم شہباز شریف کے وژن اور تعاون نے پاکستان کی انسانی خلائی شراکت کو حقیقت میں بدلنے میں اہم کردار ادا کیا۔
سپارکو کے مطابق یہ تاریخی اقدام عوامی جمہوریہ چین کی پاکستان کے ساتھ مضبوط تعاون اور اعتماد کی علامت بھی ہے کیونکہ پاکستان کو چینی خلانورد پروگرام میں پہلا غیر ملکی شراکت دار منتخب کیا گیا ہے۔