آئی ایس پی آر کے مطابق خیبر پختونخوا کے اضلاع اورکزئی اور خیبر میں سیکیورٹی فورسز نے خفیہ اطلاعات کی بنیاد پر دو کارروائیاں کیں، جن میں بھارتی پراکسی تنظیم فتنہ الخوارج سے تعلق رکھنے والے 24 دہشت گرد مارے گئے۔
ضلع اورکزئی میں آپریشن کے دوران 14 خوارج ہلاک ہوئے جبکہ ضلع خیبر میں مزید 10 دہشت گردوں کو نشانہ بنایا گیا۔ آئی ایس پی آر نے بتایا کہ علاقے میں باقی خوارج کے خاتمے کے لیے کلیئرنس اور سینیٹائزیشن آپریشنز جاری ہیں۔
بیان میں کہا گیا ہے کہ نیشنل ایکشن پلان کے تحت انسداد دہشت گردی مہم “عزمِ استحکام” کے مطابق سیکیورٹی فورسز ملک سے غیر ملکی سرپرستی میں ہونے والی دہشت گردی کے مکمل خاتمے تک کارروائیاں جاری رکھیں گی۔