صدر مملکت آصف علی زرداری نے طویل عرصے سے خدمات انجام دینے والے ایڈیشنل اٹارنی جنرلز کیلیے خصوصی الاؤنس کی منظوری دے دی۔
ایوانِ صدر کے اعلامیے کے مطابق صدر نے وزیراعظم کی ایڈوائس پر متعلقہ سمری پر دستخط کر دیے ہیں۔
اعلامیے میں بتایا گیا ہے کہ ترمیم کے تحت ایڈیشنل اٹارنی جنرلز کیلیے’’اسپیشل ایڈیشنل اے جی الاؤنس‘‘ متعارف کرایا گیا ہے، جس کا مقصد ان کی پیشہ ورانہ خدمات کا اعتراف کرنا ہے۔
مزید برآں ایڈیشنل، ڈپٹی اور اسسٹنٹ اٹارنی جنرلز کی ملازمت کی شرائط و ضوابط میں بھی ترمیم کی منظوری دی گئی ہے، جس کے بعد نئی اصلاحات کا اطلاق فوری طور پر ہوگا۔