انڈیا کی ریاست جھارکھنڈ میں ایک اور طیارہ حادثے کا شکار ہوگیا جہاں رنچی سے نئی دہلی جانے والی ایئر ایمبولینس ضلع چترا کے علاقے سیماریا کے قریب گر کر تباہ ہوگئی۔ طیارے میں 7 افراد سوار تھے۔
بھارتی میڈیا کے مطابق حادثہ پیر کی رات پیش آیا۔ ایئر ایمبولینس ایک مریض کو علاج کے لیے رنچی سے نئی دہلی منتقل کر رہی تھی کہ اچانک اس کا رابطہ منقطع ہوگیا۔
ضلعی انتظامیہ کے مطابق طیارے نے شام 7 بج کر 34 منٹ پر کولکتہ ایئر ٹریفک کنٹرول سے رابطہ کیا تھا تاہم کچھ دیر بعد کنٹرول ٹاور سے رابطہ ٹوٹ گیا۔ بعد ازاں طیارے کا ملبہ گھنے جنگل میں ملا۔
چترا کی ڈپٹی کمشنر کا کہنا ہے کہ حادثہ دشوار گزار جنگلاتی علاقے میں پیش آنے کے باعث فوری طور پر ہلاکتوں کی حتمی تصدیق ممکن نہیں تاہم تمام مسافروں کے زندہ بچنے کے امکانات انتہائی کم ہیں۔