امریکی و اسرائیلی حملوں میں ایرانی سپریم لیڈر آیت اللہ خامنہ ای کی شہادت کے خلاف گلگت بلتستان میں جگہ جگہ احتجاجی ریلیاں نکالی جارہی ہیں، جس میں لاکھوں کی تعداد میں لوگ شریک ہیں۔
موجودہ خلیجی صورتحال کے تناظر میں گلگت بلتستان کے مختلف علاقوں میں احتجاج جاری ہے۔ گلگت میں ناد علی چوک اور علمدار چوک دینور احتجاج کے باعث بند ہیں، جس سے شہریوں کی آمد و رفت متاثر ہو رہی ہے۔
سکردو کے مختلف علاقوں میں بھی مظاہرے جاری ہیں۔ جے ایس آر روڈ، حراموش، ڈمبوداس اور گول سمیت متعدد مقامات پر احتجاج کے باعث ٹریفک مکمل طور پر معطل ہے۔ حکام نے شہریوں سے درخواست کی ہے کہ وہ غیر ضروری طور پر ان علاقوں کا رخ نہ کریں اور متبادل راستے استعمال کریں۔
احتجاج کے دوران امن و امان کی صورتحال برقرار رکھنے کے لیے سیکیورٹی اہلکار بھی تعینات کیے گئے ہیں۔