وفاقی وزیر دفاع خواجہ محمد آصف نے ملک کی مذہبی جماعتوں اور عوام سے اپیل کی ہے کہ موجودہ صورتحال میں تحمل اور بردباری کا مظاہرہ کریں۔
اپنے بیان میں انہوں نے کہا کہ اگر ملک میں احتجاج شدت اختیار کر جائے یا کوئی قانون کو ہاتھ میں لے تو اس سے دشمن کے منصوبوں کو فائدہ پہنچ سکتا ہے۔ ان کا کہنا تھا کہ ہم سب کی ذمہ داری ہے کہ اپنے جذبات پر قابو رکھیں اور حالات کو خراب ہونے سے بچائیں۔
وزیر دفاع نے مزید کہا کہ احتجاج کو ہر صورت پرامن رکھا جائے اور ملک کے اندر کسی بھی قسم کی بدامنی یا نقصان سے گریز کیا جائے تاکہ قومی مفاد کو نقصان نہ پہنچے۔