ایران نے امریکی صدر ڈونلڈ ٹرمپ کی مذاکرات کی پیشکش کو مسترد کرتے ہوئے صاف انکار کر دیا ہے۔
ایرانی قومی سلامتی کونسل کے سربراہ علی لاریجانی نے سوشل میڈیا سائٹ ایکس پر جاری بیان میں اعلان کیا کہ ایران امریکا کے ساتھ کسی بھی مذاکرات میں شامل نہیں ہوگا۔ انہوں نے مزید کہا کہ امریکی صدر کے خود ساختہ خیالات نے مشرقِ وسطیٰ کو افراتفری میں دھکیل دیا ہے۔
اس سے قبل امریکی صدر نے ایک امریکی جریدے کو انٹرویو میں کہا تھا کہ وہ نئے ایرانی رہنما سے بات کرنے کے لیے تیار ہیں اور دعویٰ کیا کہ ایران کے نئے رہنما بھی ان سے بات چیت کے خواہاں ہیں۔
واضح رہے کہ ایران پر امریکی اور اسرائیلی مشترکہ حملوں کے بعد ایران کی جانب سے جوابی کارروائی جاری ہے جبکہ امریکا اور اسرائیل بھی ایران پر فوجی کارروائیاں جاری رکھے ہوئے ہیں۔