وزیراعلیٰ سندھ سید مراد علی شاہ نے حضرت امام حسنؑ کے یومِ ولادت کے موقع پر امتِ مسلمہ کو مبارکباد پیش کرتے ہوئے کہا ہے کہ حضرت امام حسنؑ کی سیرت پوری انسانیت کے لیے روشن مثال ہے۔
اپنے پیغام میں وزیراعلیٰ سندھ کا کہنا تھا کہ حضرت امام حسنؑ کی زندگی صبر، برداشت، اتحاد اور انسانیت کا عظیم درس دیتی ہے۔ انہوں نے کہا کہ امام حسنؑ نے امن، رواداری اور امتِ مسلمہ کے اتحاد کے لیے ایک عظیم مثال قائم کی جو آج بھی ہمارے لیے مشعلِ راہ ہے۔
سید مراد علی شاہ نے کہا کہ ہمیں اہلِ بیتؓ کی تعلیمات پر عمل کرتے ہوئے معاشرے میں محبت، برداشت اور بھائی چارے کو فروغ دینا ہوگا۔ انہوں نے اس موقع پر دعا کی کہ اللہ تعالیٰ ہمیں اہلِ بیتؓ کی تعلیمات پر عمل کرنے کی توفیق عطا فرمائے۔وزیراعلیٰ سندھ نے حضرت امام حسنؑ کے یومِ ولادت کے موقع پر معاشرے میں امن اور بھائی چارے کے فروغ کی بھی اپیل کی۔