سیکیورٹی ذرائع کے مطابق پاکستانی سیکیورٹی فورسز نے پاک۔افغان سرحد کے قریب کرم سیکٹر میں افغان طالبان اور دیگر عسکریت پسندوں کے خلاف بڑا آپریشن شروع کر دیا ہے۔
ذرائع کا کہنا ہے کہ زمینی اور فضائی کارروائیاں جاری ہیں جن میں فتنہ الخوارج قرار دیے جانے والے دہشت گردوں کے ٹھکانوں کو نشانہ بنایا جا رہا ہے۔ کارروائی کے دوران متعدد عسکریت پسند پوسٹیں تباہ کر دی گئی ہیں۔
سیکیورٹی ذرائع کے مطابق پاک فوج نے دہشت گردوں کے ٹھکانوں کو نشانہ بنانے کے لیے آرٹلری فائر بھی کیا۔
ذرائع نے مزید بتایا کہ اس آپریشن کو غضب للحق کا نام دیا گیا ہے اور یہ کارروائی اپنے اہداف کے حصول تک جاری رہے گی۔