ایران کے صدر مسعود پزشکیان نے کہا ہے کہ کئی ممالک نے موجودہ صورتحال میں ثالثی کی کوششیں شروع کردی ہیں۔ ان کا کہنا تھا کہ ثالثی کرنے والے ممالک کو چاہیے کہ وہ ان فریقوں سے بات کریں جنہوں نے جنگ کا آغاز کیا۔
مسعود پزشکیان نے اپنے بیان میں کہا کہ ایران خطے میں دیرپا امن کے قیام کے عزم سے پیچھے نہیں ہٹا۔ انہوں نے واضح کیا کہ ایران اپنی خودمختاری اور قومی وقار کے دفاع کے لیے کسی بھی اقدام سے ہچکچائے گا نہیں۔
ایرانی صدر کا مزید کہنا تھا کہ ایران ہمیشہ خطے میں امن اور استحکام کا خواہاں رہا ہے، تاہم ملک کی خودمختاری اور سلامتی پر کوئی سمجھوتہ نہیں کیا جائے گا۔