خیبر پختونخوا حکومت نے پیٹرولیم مصنوعات کی قیمتوں میں اضافے کے اثرات سے عوام کو ریلیف دینے کیلیے بڑا فیصلہ کرلیا ہے۔
صوبائی حکومت کے مطابق صوبے میں رجسٹرڈ موٹرسائیکل سواروں کو 2200 روپے کا ریلیف دیا جائے گا۔ وزیراعلیٰ خیبر پختونخوا سہیل آفریدی نے بتایا کہ یہ رقم 1100 روپے کی دو اقساط کی صورت میں فراہم کی جائے گی تاکہ عوام کو فوری سہولت مل سکے۔
انہوں نے کہا کہ عوام کو مزید ریلیف دینے کیلئے بی آر ٹی کے کرایوں میں اضافہ نہ کرنے کا بھی فیصلہ کیا گیا ہے۔
مشیر خزانہ مزمل اسلم کے مطابق اس سبسڈی پروگرام پر تقریباً ساڑھے 3 ارب روپے خرچ ہوں گے۔
صوبائی حکومت کا کہنا ہے کہ اس اقدام کا مقصد پیٹرول کی قیمتوں میں اضافے کے باعث عام شہریوں، خاص طور پر موٹرسائیکل استعمال کرنے والوں کو مالی دباؤ سے بچانا ہے۔