وزیر دفاع خواجہ محمد آصف نے کہا ہے کہ خطے میں جنگی صورتحال ہے اور پاکستان بھی جنگ لڑ رہا ہے، ایسے حالات میں دفاعی بجٹ میں اضافہ ضروری ہے۔
وزیر دفاع خواجہ آصف نے نجی ٹی وی سے گفتگو کرتے ہوئے کہا کہ امریکا اور ایران کے درمیان جنگ روکنے کی کوششیں جاری ہیں جبکہ یورپی ممالک امریکا اور اسرائیل کا کھل کر ساتھ دینے سے گریز کر رہے ہیں کیونکہ یہ کوئی مقبول جنگ نہیں ہے۔
انہوں نے کہا کہ آبنائے ہرمز سے دنیا کا تقریباً 20 فیصد تیل گزرتا ہے، اگر اس راستے میں بندش ہوئی تو تیل کی قلت پیدا ہو سکتی ہے جس سے عالمی معیشت شدید متاثر ہونے کا خدشہ ہے۔