وزیر بلدیات سندھ ناصر حسین شاہ کا کہنا ہے کہ سندھ حکومت نےجمعتہ الوداع کے موقع پر عام تعطیل کا اعلان کیا ہے۔
وزیر بلدیات سندھ ناصر حسین شاہ نے کہا کہ کراچی کی ایک شاہراہ کو آیت اللہ علی خامنہ ای کے نام سے منسوب کیا جائے گا۔ انہوں نے واضح کیا کہ جمعتہ الوداع پر شارع فیصل پر ریلی نکالنے کی اجازت نہیں دی جائے گی اور تمام تنظیمیں اپنے روایتی روٹس پر ہی ریلی نکالیں۔
ناصر حسین شاہ نے مزید کہا کہ یہ اقدام شہریوں کی حفاظت اور سیکیورٹی انتظامات کو مدنظر رکھتے ہوئے کیا گیا ہے۔
یاد رہے کہ آج یوم علی پر ملک بھر کے چھوٹے بڑے شہروں میں جلوس برآمد کیے جائیں گے۔ کراچی میں صدر کی مختلف سڑکوں اور گلیوں کو کنٹینرز لگا کر بند کر دیا گیا ہے تاکہ مرکزی جلوس کی حفاظت یقینی بنائی جا سکے۔