دیامر بھاشا ڈیم کی تعمیر میں تاخیر کو ملکی بقا کے لیے خطرہ قرار دیتے ہوئے سپریم کورٹ کی قائم کردہ کمیٹی نے منصوبے میں حائل رکاوٹیں فوری طور پر دور کرنے کی ہدایت کردی۔
چیئرمین واپڈا لیفٹیننٹ جنرل (ر) محمد سعید کی زیر صدارت منعقدہ ’’دیامر بھاشا اور مہمند ڈیمز عملدرآمد کمیٹی‘‘ کے اجلاس میں منصوبے کی پیش رفت اور اس سے متعلق دو اہم امور کا تفصیلی جائزہ لیا گیا۔
اجلاس میں سپریم کورٹ کی ہدایت پر قائم کمیٹی نے مقامی کمیونٹیز اور صوبائی حکام پر زور دیا کہ وہ ڈیم کی تعمیر میں حائل رکاوٹوں کو فوری ختم کریں اور زمین کے حصول کے عمل کو تیز کیا جائے۔
کمیٹی نے خبردار کیا کہ منصوبے میں مزید تاخیر پاکستان کی پانی، خوراک اور توانائی کی سلامتی کے لیے سنگین خطرات پیدا کرسکتی ہے۔