ملک کے مختلف علاقوں میں بارشوں اور برفباری کے نئے اسپیل کی پیش گوئی کر دی گئی ہے جو آج سے 16 مارچ تک جاری رہنے کا امکان ہے۔
محکمہ موسمیات کے مطابق گلگت بلتستان کے علاقوں گلگت، استور، دیامر، اسکردو، ہنزہ، غذر اور شگر میں بارش اور برفباری متوقع ہے جس سے سردی میں اضافہ اور درجہ حرارت میں کمی آئے گی۔ اندازہ ہے کہ درجہ حرارت تقریباً 4 ڈگری سینٹی گریڈ تک کم ہو سکتا ہے۔
خیبرپختونخوا کے مختلف علاقوں میں تیز بارشوں کے باعث اربن فلڈنگ اور لینڈ سلائیڈنگ کا خطرہ ظاہر کیا گیا ہے جبکہ پنجاب کے کئی شہروں میں بھی گرج چمک کے ساتھ طوفانی بارشیں متوقع ہیں۔
محکمہ موسمیات نے متعلقہ اداروں کو ممکنہ صورتحال سے نمٹنے کے لیے الرٹ رہنے کی ہدایت بھی جاری کر دی ہے۔