سیکیورٹی ذرائع کے مطابق آپریشن غضب للحق کے تحت پاک فوج نے افغان طالبان کے خلاف مؤثر فضائی کارروائی کرتے ہوئے افغانستان کے شہر قندھار میں اہم تنصیبات کو نشانہ بنایا ہے۔
ذرائع کا کہنا ہے کہ 14 اور 15 مارچ کی درمیانی شب کی گئی اس کارروائی میں افغان طالبان اور فتنہ الخوارج کے دہشت گرد ٹھکانوں سمیت فوجی نوعیت کی تنصیبات کو کامیابی سے ہدف بنایا گیا۔
سیکیورٹی ذرائع کے مطابق حملوں کے دوران قندھار میں موجود ٹیکنیکل سپورٹ انفراسٹرکچر اور سازوسامان کے ذخیرے کو مؤثر انداز میں تباہ کر دیا گیا، جو افغان طالبان اور دہشت گرد عناصر کے زیر استعمال تھا۔
ذرائع کا مزید کہنا ہے کہ آپریشن غضب للحق کے تحت کارروائیاں اہداف کے حصول تک جاری رہیں گی۔