متحدہ عرب امارات میں سوشل میڈیا کے ذریعے ملکی سلامتی کو نقصان پہنچانے کے الزام میں 25 افراد کو گرفتار کر لیا گیا ہے۔
اماراتی حکام کے مطابق گرفتار افراد میں 17 بھارتی شہری شامل ہیں، جبکہ پاکستان، نیپال اور فلپائن کے دو، دو شہری بھی زیرِ حراست ہیں۔ اس کے علاوہ بنگلا دیش اور مصر کا ایک ایک شہری بھی گرفتار کیا گیا ہے۔
حکام کا کہنا ہے کہ ملزمان تین مختلف گروپوں کی صورت میں کام کر رہے تھے۔ ابتدائی تحقیقات کے مطابق ایک گروپ مصنوعی ذہانت (آرٹیفیشل انٹیلجنس) کی مدد سے جعلی ویڈیوز تیار کر رہا تھا۔
اماراتی حکام کے مطابق سوشل میڈیا پر گمراہ کن مواد پھیلانے اور ملکی سلامتی کو نقصان پہنچانے کی کوششوں کے خلاف کارروائی جاری ہے۔