اسرائیلی میڈیا نے دعویٰ کیا ہے کہ تل ابیب پر داغے گئے ایرانی میزائل کے ٹکڑے سے اسرائیل میں امریکی قونصل جنرل کی رہائش گاہ کو نقصان پہنچا ہے۔
اسرائیلی میڈیا کے مطابق میزائل کے ٹکڑے کے باعث امریکی سفارتکار کی رہائش گاہ کے اندرونی حصوں کو نقصان پہنچا۔ میڈیا رپورٹس میں گھر کے اندرونی حصے کی تصویر بھی جاری کی گئی ہے جس میں نقصان کے آثار دکھائے گئے ہیں۔
رپورٹس کے مطابق اس بات کی تفصیلات سامنے نہیں آسکیں کہ واقعے کے وقت امریکی قونصل جنرل رہائش گاہ میں موجود تھے یا نہیں۔