سعودی عرب کی وزارتِ دفاع کا کہنا ہے کہ ملک کے مشرقی علاقوں میں رات سے اب تک فضائی دفاعی کارروائی کے دوران 61 سے زائد ڈرونز مار گرائے گئے ہیں۔
غیر ملکی خبر رساں ادارے اے ایف پی کے مطابق سعودی وزارتِ دفاع نے سوشل میڈیا پلیٹ فارم ایکس پر جاری متعدد بیانات میں بتایا کہ آدھی رات کے بعد مختلف مقامات پر آنے والے مجموعی طور پر 61 ڈرونز کو تباہ کر دیا گیا۔
وزارتِ دفاع کے حکام نے کہا کہ یہ تمام ڈرونز ملک کے مشرقی حصے کی جانب بڑھ رہے تھے تاہم بر وقت کارروائی کرتے ہوئے انہیں ہدف تک پہنچنے سے پہلے ہی فضا میں ہی تباہ کر دیا گیا۔
سعودی حکام نے مزید کہا کہ ملک کا دفاعی نظام پوری طرح الرٹ ہے اور کسی بھی ممکنہ خطرے سے نمٹنے کے لیے تمام اقدامات جاری ہیں۔