محکمہ موسمیات نے پیشگوئی کی ہے کہ 18 اور 19 مارچ کو کراچی سمیت سندھ کے کئی علاقوں میں گرج چمک کے ساتھ بارش اور ژالہ باری کا امکان ہے۔
محکمہ موسمیات کے مطابق مغربی ہواؤں کا سلسلہ 17 مارچ کو ملک کے مغربی حصے میں داخل ہوگا جس کے تحت 18 اور 19 مارچ کو کراچی میں گرج چمک اور تیز ہواؤں کے ساتھ بارش کا امکان ہے۔
محکمہ موسمیات نے جامشورو، حیدرآباد، ٹھٹہ، بدین، سجاول، ٹنڈو محمد خان، ٹنڈوالہیار، عمرکوٹ، تھرپارکر، سانگھڑ، میرپورخاص، نوابشاہ، دادو، لاڑکانہ، قمبر شہداد کوٹ، شکارپور، جیکب آباد، کشمور اور گھوٹکی میں بھی بارش کا امکان ظاہر کیا ہے۔