کراچی میں آئندہ 24 گھنٹوں کے دوران موسم جزوی ابر آلود رہنے کے ساتھ تیز ہواؤں اور گرج چمک کے ساتھ بارش کا امکان ہے جبکہ شہر کے کچھ علاقوں میں موسلادھار بارش بھی متوقع ہے۔
محکمۂ موسمیات کے مطابق گزشتہ رات کراچی میں کم سے کم درجہ حرارت 23.2 ڈگری سینٹی گریڈ ریکارڈ ہوا اور آئندہ دن میں زیادہ سے زیادہ درجہ حرارت 30 سے 32 ڈگری سینٹی گریڈ تک رہنے کا امکان ہے۔
شہر میں شمال مشرق کی جانب سے 8 کلومیٹر فی گھنٹہ کی رفتار سے ہوائیں چل رہی ہیں اور نمی کا تناسب 87 فیصد برقرار ہے جس سے بارش کے امکانات مزید بڑھ گئے ہیں۔