چینی نژاد کینیڈین مبصر پروفیسر یینگ جیانگ نے ایک انٹرویو میں خدشہ ظاہر کیا ہے کہ امریکا اور اسرائیل کی جانب سے ایران پر مسلط کی جانے والی جنگ یوکرین کے تنازع کی طرح طویل ہو سکتی ہے۔
ٹکر کارلسن سے گفتگو کرتے ہوئے انہوں نے کہا کہ اس جنگ میں کوئی بھی فریق پیچھے ہٹنے کو تیار نہیں ہوگا، جس کے باعث عالمی معیشت پر انتہائی منفی اثرات مرتب ہوں گے اور نوبت خوراک کی راشننگ تک پہنچ سکتی ہے۔
پروفیسر یینگ کے مطابق اس تصادم کے پھیلاؤ کے باعث خطے کے دیگر ممالک کا اس جنگ میں شامل ہونا ناگزیر ہو جائے گا۔