بانی پی ٹی آئی اڈیالہ جیل میں سیکیورٹی وجوہات کے باعث عید کی نماز میں شریک نہ ہوسکے۔
جیل ذرائع کے مطابق عام قیدیوں نے نماز عید جیل کی جامع مسجد اور امام بارگاہ میں ادا کی۔ تاہم سیکیورٹی وجوہات کے باعث بانی پی ٹی آئی نماز عید میں شریک نہ ہو سکے اور انہوں نے اپنے سیل میں ہی وقت گزارا۔
ذرائع کا کہنا ہے کہ بانی پی ٹی آئی کی آج اپنے بچوں سے ٹیلیفون پر بات کرائے جانے کا امکان ہے، جبکہ بشریٰ بی بی سے ان کی ملاقات بھی متوقع ہے۔
واضح رہے کہ ملک بھر میں آج عیدالفطر مذہبی جوش و خروش اور عقیدت کے ساتھ منائی جا رہی ہے۔