پاکستان نے مشرقِ وسطیٰ میں جاری کشیدگی کے حل کے لیے اپنے دیرینہ مؤقف کو دہراتے ہوئے سفارتی ذرائع اور مذاکرات کے ذریعے مسائل کے پرامن حل کے عزم کا اعادہ کیا ہے۔
حکومتی مؤقف کے مطابق پاکستان خطے میں امن و استحکام کے قیام کے لیے تعمیری کردار ادا کرنے کے لیے پُرعزم ہے اور تمام تنازعات کو بات چیت کے ذریعے حل کرنے کو ترجیح دیتا ہے۔
حکام کا کہنا ہے کہ سفارتکاری اور مذاکرات کے عمل میں بعض معاملات کو رازداری کے ساتھ آگے بڑھانا ضروری ہوتا ہے، لہٰذا میڈیا سے گزارش کی گئی ہے کہ قیاس آرائیوں سے گریز کرے اور فیصلوں و نتائج سے متعلق سرکاری اعلانات کا انتظار کرے۔