وزیراعظم شہباز شریف اور چیئرمین پیپلز پارٹی بلاول بھٹو زرداری کے درمیان ایک اہم ملاقات ہوئی جس میں خطے کی کشیدہ صورتحال اور قومی سلامتی کے امور پر تفصیلی بات چیت کی گئی۔
ذرائع کے مطابق، ملاقات میں ایران اور امریکا کے درمیان جاری کشیدگی کے تناظر میں پاکستان کے سفارتی کردار پر بھی غور کیا گیا اور وزیراعظم نے بلاول بھٹو زرداری کو اعتماد میں لیا۔
ملاقات میں سندھ اور بلوچستان کے وزرائے اعلیٰ، مراد علی شاہ اور سرفراز بگٹی بھی شریک تھے، جنہوں نے صوبوں میں اسمارٹ لاک ڈاؤن کے نفاذ اور حکمت عملی کے بارے میں بریفنگ دی۔
ذرائع کا کہنا ہے کہ ملاقات میں ملکی سیاسی صورتحال اور حکومت کی جاری پالیسیوں پر بھی تبادلہ خیال کیا گیا، اور وزیراعظم کے ہمراہ دیگر وفاقی وزراء بھی موجود تھے۔