بنگلادیش میں ایک مسافر بس دریائے پدما میں گر گئی جس کے نتیجے میں 18 افراد جاں بحق ہو گئے۔ مقامی میڈیا کے مطابق یہ حادثہ بدھ کی شام پیش آیا۔
ریسکیو حکام کے مطابق بس میں تقریباً 50 مسافر سوار تھے اور یہ ایک فیری میں سوار کرنے کے دوران بے قابو ہو گئی جس کے نتیجے میں بس تقریباً 30 فٹ گہرے پانی میں ڈوب گئی۔
حادثے میں جاں بحق ہونے والوں میں خواتین بھی شامل ہیں جبکہ بعض مسافروں کو ریسکیو کر کے فوری طبی امداد کے لیے اسپتال منتقل کر دیا گیا ہے۔ اس دوران کچھ مسافر لاپتا ہیں جن کی تلاش کے لیے غوطہ خوروں کی مدد لی جا رہی ہے۔علاقے میں طوفانی ہواؤں اور بارش کے باعث ریسکیو آپریشن میں مشکلات کا سامنا ہے۔