پاکستان آنے والی تمام غیر ملکی ائیرلائنز کو واپسی کے لیے اضافی ایندھن ساتھ لانے کی ہدایت جاری کردی گئی ہے۔
پاکستان ائیرپورٹس اتھارٹی کی جانب سے ایندھن پالیسی سے متعلق نوٹم (NOTAM) جاری کردیا گیا ہے، جس کے تحت غیر ملکی ائیرلائنز کو پاکستان آمد کے وقت واپسی کے سفر کے لیے بھی فیول کا بندوبست یقینی بنانے کی ہدایت کی گئی ہے۔
ائیرلائن ذرائع کے مطابق بدھ کے روز کراچی سے دوحہ جانے والی ایک غیر ملکی ائیرلائن کی پرواز کو ایندھن کی کمی کے باعث مسقط میں لینڈ کرنا پڑا، جہاں طیارے میں فیول بھرا گیا۔
ذرائع کا کہنا ہے کہ اضافی ایندھن ساتھ لانے کی شرط کے باعث بعض غیر ملکی ائیرلائنز کو مسافروں کا سامان اور کارگو کم کرنا پڑ رہا ہے، جس سے آپریشنل مسائل بھی سامنے آ رہے ہیں۔