اسرائیل کے شہر تل ابیب کے آسمان پر کوؤں کے ایک بڑے جھنڈ کے منڈلانے کی ویڈیو سوشل میڈیا پر تیزی سے وائرل ہو گئی ہے جس نے صارفین میں بحث اور تشویش کو جنم دے دیا ہے۔
رپورٹس کے مطابق یہ ویڈیو ایسے وقت میں سامنے آئی ہے جب خطے میں کشیدگی عروج پر ہے اور حالیہ دنوں میں اسرائیل پر میزائل حملوں کے باعث صورتحال پہلے ہی انتہائی حساس بنی ہوئی ہے۔
وائرل ویڈیو میں دیکھا جا سکتا ہے کہ کوؤں کا ایک بڑا غول غیر معمولی انداز میں شہر کے اوپر چکر لگا رہا ہے جسے دیکھ کر شہری حیران رہ گئے۔
سوشل میڈیا پر بعض صارفین اس منظر کو بدشگونی سے تعبیر کر رہے ہیں اور اسے کسی ممکنہ بڑے واقعے یا تباہی کی علامت قرار دے رہے ہیں جبکہ دیگر صارفین اسے قدرتی مظہر اور پرندوں کے معمول کے رویے کا حصہ قرار دے رہے ہیں۔
ماہرین کا کہنا ہے کہ اس طرح پرندوں کا بڑے جھنڈ کی صورت میں اڑنا عموماً موسمی تبدیلیوں یا خوراک کی تلاش سے بھی جڑا ہو سکتا ہے تاہم سوشل میڈیا پر اس ویڈیو نے مختلف قیاس آرائیوں کو جنم دے دیا ہے۔