وزیر اعظم شہباز شریف نے ارتھ آور 2026 کے موقع پر 28 مارچ کی رات 8:30 بجے سے 9:30 بجے تک ملک بھر میں زیادہ سے زیادہ برقی لائٹس بند رکھنے کی ہدایت کر دی ہے۔
کابینہ ڈویژن کی جانب سے جاری پریس ریلیز کے مطابق یہ اقدام "Give an Hour for Earth" کے عنوان سے کیا جا رہا ہے تاکہ ماحولیاتی تحفظ، توانائی کے ضیاع کو روکنے اور ماحولیاتی مسائل کے بارے میں عوام میں آگاہی پیدا کی جا سکے۔
وزیر اعظم نے شہریوں اور کاروباری اداروں سے اپیل کی ہے کہ وہ اس ایک گھنٹے میں روشنیوں کو کم سے کم استعمال کریں اور ماحول دوست اقدامات پر عمل درآمد کریں۔