ایران کے صدر مسعود پزشکیان نے اچانک ایک سپر اسٹور کا دورہ کرکے شہریوں کو حیران کر دیا، جہاں انہوں نے عوام سے ملاقاتیں کیں اور ان کی خیریت دریافت کی۔
میڈیا رپورٹس کے مطابق تہران میں ایرانی صدر بغیر پیشگی اطلاع ایک سپر اسٹور پہنچے تو وہاں موجود افراد انہیں اپنے درمیان دیکھ کر حیران رہ گئے۔ اس موقع پر شہریوں نے صدر کے ساتھ تصاویر بھی بنوائیں۔
صدر مسعود پزشکیان نے عوام سے گفتگو کرتے ہوئے ان کے مسائل سنے اور روزمرہ زندگی سے متعلق سوالات بھی کیے جبکہ شہریوں نے اس غیر متوقع دورے کو خوش آئند قرار دیا۔