ایرانی پاسدارانِ انقلاب نے خبردار کیا ہے کہ آئندہ کسی بھی انتقامی کارروائی کے دوران خطے میں موجود اسرائیلی اور امریکی جامعات کو ہدف بنایا جا سکتا ہے۔
پاسدارانِ انقلاب کی جانب سے جاری بیان میں یونیورسٹیوں کے عملے، طلبہ اور ان تعلیمی اداروں کے اطراف رہنے والے شہریوں کو ہدایت کی گئی ہے کہ وہ اپنی حفاظت یقینی بنانے کے لیے ان جامعات سے کم از کم ایک کلومیٹر دور رہیں۔
ایرانی حکام کے مطابق یہ سخت مؤقف تہران میں واقع ایران یونیورسٹی آف سائنس اینڈ ٹیکنالوجی پر حملے کے ردعمل میں سامنے آیا ہے۔
ایران نے الزام عائد کیا ہے کہ جنگ کے دوران امریکا اور اسرائیل نے دانستہ طور پر ایران کی متعدد جامعات اور تحقیقی مراکز کو نشانہ بنایا۔
ایرانی حکام کا کہنا ہے کہ تعلیمی اور تحقیقی اداروں پر حملے بین الاقوامی قوانین کی خلاف ورزی ہیں اور ان کے نتائج کے ذمہ دار امریکا اور اسرائیل ہوں گے۔