پاکستان تحریک انصاف کے بانی عمران خان کی اہلیہ بشریٰ بی بی کا اڈیالہ جیل میں ماہر ڈاکٹروں نے طبی معائنہ کیا۔
ذرائع کے مطابق پمز اسپتال کے شعبہ امراضِ چشم کے سربراہ ڈاکٹر محمد عارف خان نے بشریٰ بی بی کا معائنہ کیا۔
میڈیکل رپورٹ کے مطابق بشریٰ بی بی نے دائیں آنکھ سے دھندلا نظر آنے، نظر میں چمک محسوس ہونے اور سر درد کی شکایت کی۔
ڈاکٹروں نے معائنے کے بعد ان کے لیے مخصوص آئی ڈراپس اور ادویات تجویز کر دیں، جبکہ انہیں ہدایت کی گئی ہے کہ مطالعے اور قریب کے کام کے لیے اچھی روشنی والی جگہ استعمال کریں۔
رپورٹ میں یہ بھی بتایا گیا ہے کہ بشریٰ بی بی میں مایوپیا (قریب کی نظر کا مسئلہ) اور ایسٹگمیٹزم (نظر کا ٹیڑھا پن) کی علامات پائی گئی ہیں۔
میڈیکل ٹیم نے ان کے لیے چار ہفتوں بعد دوبارہ طبی معائنہ بھی تجویز کیا ہے۔