بھارتی شہر بنگلورو میں ایک میڈیکل کالج کے پروفیسر نے کلاس روم کے دوران ایک طالبہ کو شادی کی پیشکش کی جس پر طالبہ نے فوری طور پر اعتراض کیا اور دیگر طالبعلموں کے ساتھ مل کر پروفیسر کو پیٹ دیا۔
بھارتی میڈیا کے مطابق واقعہ اس وقت پیش آیا جب پروفیسر نے طالبہ سے اپنے جذبات کا اظہار کیا اور دعویٰ کیا کہ طالبہ نے پہلے کہا تھا کہ وہ اسے پیار کرتی ہے۔ طالبہ نے اس دعوے کی سختی سے تردید کی اور پروفیسر کی پیشکش کو مسترد کر دیا۔
سوشل میڈیا پر منظر عام پر آنے والی ویڈیو میں دیکھا جا سکتا ہے کہ طالبہ اور اس کے ساتھی پروفیسر کو چپل اور تھپڑوں سے مار رہے ہیں جبکہ پروفیسر بحث کے دوران مائیک آن کرکے اپنی بات کر رہا ہے۔
اس واقعے کے بعد کالج انتظامیہ کی جانب سے معاملے کی تحقیقات شروع کر دی گئی ہیں اور دونوں فریقین سے وضاحت طلب کی گئی ہے۔