صدر مملکت آصف علی زرداری اور وزیراعظم شہباز شریف نے ایوانِ صدر میں اہم ملاقات کی جس میں خطے کی بدلتی ہوئی صورتحال اور اس کے پاکستان پر ممکنہ اثرات کا تفصیلی جائزہ لیا گیا۔
ملاقات میں نائب وزیراعظم و وزیر خارجہ اسحاق ڈار، بلاول بھٹو، وفاقی وزیر داخلہ محسن نقوی اور قومی سلامتی کے مشیر لیفٹیننٹ جنرل عاصم ملک بھی شریک ہوئے۔ ذرائع کے مطابق اجلاس میں ملک کو درپیش معاشی، توانائی اور سیکیورٹی چیلنجز پر تفصیلی مشاورت کی گئی اور قومی سطح پر مربوط حکمت عملی اپنانے اور ریاستی اداروں کے درمیان مؤثر ہم آہنگی کی ضرورت پر زور دیا گیا۔
ملاقات میں اس بات پر بھی اتفاق کیا گیا کہ موجودہ علاقائی اور عالمی حالات کے تناظر میں پاکستان کے مفادات کے تحفظ کے لیے متحدہ قومی مؤقف اور بروقت فیصلے انتہائی اہم ہیں۔