پاسدارانِ انقلاب کی قدس فورس کے سربراہ بریگیڈیئر جنرل اسماعیل قانی نے اسرائیل کو نئے علاقائی نظام (ریجنل آرڈر) کے لیے تیار رہنے کی وارننگ دے دی۔
اسماعیل قانی نے کہا ہے کہ نیتن یاہو خطے میں سیکیورٹی بیلٹ کی توسیع کے خواب دیکھ رہا تھا، تاہم لبنان کی حزب اللہ نے شمال اور یمن کی انصار اللہ نے جنوب سے کارروائیاں کرکے اسرائیلی آبادکاروں کو دیے گئے تحفظ کے جھوٹے وعدے کی حقیقت فاش کر دی ہے۔
انہوں نے مزید کہا کہ شہید کمانڈروں کے مقاصد حاصل ہو چکے ہیں اور اب تمام محاذ ایک ہو کر مشترکہ جدوجہد کر رہے ہیں، جس کے نتیجے میں ابھرنے والے نئے علاقائی نظم و ضبط کا سامنا کرنے کے لیے اسرائیلی دشمن کو تیار رہنا چاہیے۔