امریکی ری پبلکن رکنِ کانگریس رائن زنک نے مشرقِ وسطیٰ میں امن کے قیام کے لیے پاکستان کے سفارتی کردار کو سراہتے ہوئے کہا ہے کہ پاکستانی قیادت کی جانب سے امن مذاکرات کی میزبانی ایک قابلِ تحسین اقدام ہے۔
رائن زنک نے سابق امریکی صدر ڈونلڈ ٹرمپ کے مجوزہ 15 نکاتی امن منصوبے کے تناظر میں پاکستان کے کردار کو مثبت قرار دیا اور کہا کہ خطے میں کشیدگی کم کرنے اور مذاکرات کے ذریعے مسائل کے حل کے لیے پاکستان کی کوششیں اہم ہیں۔
انہوں نے کہا کہ پاکستان کی قیادت نے امن کے فروغ اور سفارتی روابط کے استحکام کے لیے جو قدم اٹھایا، وہ قابلِ تعریف ہے اور اس سے مشرقِ وسطیٰ میں بات چیت کے دروازے کھل سکتے ہیں۔
رکنِ کانگریس کا کہنا تھا کہ ایسے اقدامات عالمی امن، علاقائی استحکام اور تنازعات کے پُرامن حل کے لیے نہایت اہمیت رکھتے ہیں۔