سندھ بھر میں نئے تعلیمی سال کا آغاز یکم اپریل سے ہو رہا ہے۔
وزیر تعلیم سندھ سید سردار علی شاہ نے نئے تعلیمی سال کے موقع پر اساتذہ، طلبہ اور والدین کے لیے اپنی نیک خواہشات کا اظہار کرتے ہوئے امید ظاہر کی ہے کہ اساتذہ کی محنت اور طلبہ کی دلچسپی سے تعلیمی اہداف حاصل کیے جائیں گے۔
محکمہ تعلیم سندھ نے اسٹیرنگ کمیٹی کے فیصلے پر عمل درآمد کرتے ہوئے واضح کیا ہے کہ نئے تعلیمی سال کے دوران سرکاری و نجی اسکولوں میں ہفتے میں دو دن تعطیل ہوگی۔
حکومت کے کفایت شعاری اقدامات کے تحت اب صوبے بھر کے اسکولوں میں ہفتہ اور اتوار کو چھٹی ہوا کرے گی۔ ہفتہ وار تعطیل کا یہ فیصلہ حکومت کے اگلے حکم نامے تک برقرار رہے گا۔