وفاقی دارالحکومت میں تمام نجی اسکولز اور کالجز یکم اپریل سے تدریسی سرگرمیاں مکمل طور پر بحال کرنے کا اعلان کر دیا گیا ہے۔
پرائیویٹ ایجوکیشنل انسٹی ٹیوشنز ریگولیٹری اتھارٹی (پیرٹا) نے باقاعدہ نوٹیفکیشن جاری کرتے ہوئے فزیکل کلاسز کے دوبارہ آغاز کی ہدایت دی ہے۔
نوٹیفکیشن کے مطابق، اسلام آباد میں واقع تمام نجی تعلیمی ادارے یکم اپریل سے معمول کے مطابق کلاسز شروع کریں گے اور طلبہ کو حاضری یقینی بنانا ہوگی۔ پیرٹا نے متعلقہ اداروں کو سختی سے ہدایت کی ہے کہ نوٹیفکیشن پر ہر صورت عمل درآمد کیا جائے۔