عراق کے دارالحکومت بغداد میں ایک امریکی صحافی کو اغوا کرلیا گیا، جس کی تصدیق امریکی محکمہ خارجہ نے کردی ہے۔
امریکی محکمہ خارجہ کے مطابق مغوی صحافی کو پہلے ہی ممکنہ سیکیورٹی خطرات سے آگاہ کیا گیا تھا۔ واقعے کے بعد ایف بی آئی مغوی کی بازیابی کے لیے متحرک ہوگئی ہے۔
محکمہ خارجہ کا کہنا ہے کہ اس کیس میں ایک مشتبہ شخص کو حراست میں لیا گیا ہے، جبکہ امریکی حکام مسلسل عراقی حکام سے رابطے میں ہیں۔
امریکی حکام نے کہا ہے کہ صحافی کی بحفاظت بازیابی کے لیے تمام ممکنہ اقدامات کیے جا رہے ہیں، تاہم مزید تفصیلات فوری طور پر جاری نہیں کی گئیں۔