ایرانی میڈیا نے دعویٰ کیا ہے کہ امریکا اپنے اُس پائلٹ کو ہلاک کرنے کی کوشش کر رہا ہے جو دو روز قبل تباہ کیے گئے امریکی طیارے سے نکلنے میں کامیاب ہو گیا تھا۔
ایرانی فوجی ذرائع کے حوالے سے کہا گیا ہے کہ مذکورہ پائلٹ ایران کے علاقے کوہگیلویہ میں اترا تھا، جہاں اب امریکا کی جانب سے بار بار فضائی حملے کیے جا رہے ہیں۔
رپورٹس کے مطابق امریکی طیارہ دو روز قبل ایرانی فوج نے مار گرایا تھا، تاہم پائلٹ طیارہ تباہ ہونے سے قبل باہر نکلنے میں کامیاب رہا۔
ایرانی میڈیا کا کہنا ہے کہ امریکا نے آج اسی علاقے میں کئی مرتبہ بمباری کی جہاں مبینہ طور پر امریکی پائلٹ موجود ہے۔
ایرانی حکام نے اس بمباری کو اپنے ہی اہلکار کو ختم کرنے کی کوشش قرار دیا ہے، تاہم امریکا کی جانب سے اس دعوے پر فوری طور پر کوئی ردعمل سامنے نہیں آیا۔