امریکی صدر ڈونلڈ ٹرمپ نے ایران کے دارالحکومت تہران میں شدید بمباری سے متعلق ایک ویڈیو اپنے سوشل میڈیا پلیٹ فارم ٹرتھ سوشل پر شیئر کر دی۔
صدر ٹرمپ نے ویڈیو کے ساتھ اپنے پیغام میں دعویٰ کیا کہ ایرانی فوج کے کئی رہنماؤں کو نشانہ بنایا گیا، جو ان کے بقول "انتہائی خراب انداز میں قیادت کر رہے تھے"۔
انہوں نے مزید کہا کہ مذکورہ فوجی قیادت کو ختم کر دیا گیا ہے۔
صدر ٹرمپ کی اس پوسٹ کے بعد خطے میں جاری کشیدگی کے تناظر میں نئی بحث نے جنم لے لیا ہے، جبکہ اس حوالے سے ایران کی جانب سے فوری طور پر کوئی باضابطہ ردعمل سامنے نہیں آیا۔