اسرائیلی وزیراعظم بنیامین نیتن یاہو کے دفتر نے تصدیق کی ہے کہ ایران کے ساتھ مجوزہ جنگ بندی میں لبنان کو شامل نہیں کیا گیا۔
اسرائیلی وزیراعظم آفس کی جانب سے جاری بیان میں کہا گیا ہے کہ اسرائیل نے ایران کے خلاف حملے دو ہفتوں کے لیے معطل کرنے پر آمادگی ظاہر کی ہے، تاہم یہ فیصلہ چند اہم شرائط سے مشروط ہے۔
بیان کے مطابق ایران کو فوری طور پر آبنائے ہرمز کھولنا ہوگا اور امریکا، اسرائیل سمیت خطے کے دیگر ممالک پر حملے روکنا ہوں گے۔
اسرائیلی حکام کا کہنا ہے کہ دو ہفتوں کی جنگ بندی صرف ایران تک محدود ہے جبکہ لبنان اس معاہدے کا حصہ نہیں ہوگا جس سے ظاہر ہوتا ہے کہ لبنان کے محاذ پر کشیدگی بدستور برقرار رہ سکتی ہے۔