امریکی تجزیہ کار اور اٹلانٹک کونسل کے سینئر فیلو برائے جنوبی ایشیا مائیکل کوگیلمین نے امریکا اور ایران کے درمیان جنگ بندی میں پاکستان کے کردار کو ایک اہم سفارتی کامیابی قرار دے دیا۔
مائیکل کوگلمین کا کہنا تھا کہ پاکستان نے حالیہ برسوں میں اپنی سب سے بڑی سفارتی کامیابی حاصل کی ہے اور اس عمل کے ذریعے اپنے ناقدین کو غلط ثابت کردیا۔
انہوں نے کہا کہ بہت سے ناقدین کا خیال تھا کہ پاکستان اتنے نازک اور حساس معاملے کو سنبھالنے کی صلاحیت نہیں رکھتا، تاہم پاکستان نے اپنی موثر سفارت کاری کے ذریعے یہ تاثر زائل کردیا۔
مائیکل کوگلمین کے مطابق پاکستان نے ایران میں ممکنہ بڑے پیمانے کی تباہی کو ٹالنے میں اہم کردار ادا کیا، جو خطے کے امن و استحکام کے لیے ایک مثبت پیش رفت ہے۔
تجزیہ کاروں کے مطابق، اگر اس جنگ بندی کو برقرار رکھا گیا تو یہ نہ صرف مشرقِ وسطیٰ بلکہ جنوبی ایشیا کے لیے بھی ایک اہم سفارتی موڑ ثابت ہوسکتا ہے، جبکہ پاکستان کے لیے یہ پیش رفت عالمی سطح پر اس کے سفارتی وزن میں اضافے کا باعث بن سکتی ہے۔