آل پاکستان مسلم لیگ کے چیئرمین احمد رضا قصوری نے ہنگامی پریس کانفرنس کرتے ہوئے کہا ہے کہ خطے کی سنگین صورتحال اور ایران پر حملوں کے بعد پاکستان کو فوری طور پر واضح پالیسی اپنانی ہوگی۔
انہوں نے کہا کہ افواجِ پاکستان اور عوام متحد ہیں، تاہم حکومت کی معاشی پالیسیوں اور مہنگائی نے عوام کو شدید پریشان کر رکھا ہے، خاص طور پر پیٹرولیم مصنوعات کی قیمتوں میں اضافہ ناقابلِ قبول ہے۔
احمد رضا قصوری نے سیاستدانوں کو قومی مفاد کو ترجیح دینے کا مشورہ دیتے ہوئے کہا کہ قومی سلامتی پر کوئی سمجھوتہ نہیں کیا جائے گا۔
انہوں نے مزید کہا کہ امن کے لیے عالمی سطح پر پاکستان کے کردار کی وجہ سے بھارت میں کہرام مچا ہوا ہے، جبکہ پاکستان کو کشمیر اور فلسطین کے مظلوموں کے لیے سیسہ پلائی ہوئی دیوار بننا چاہیے۔
انہوں نے فیلڈ مارشل کو ڈونلڈ ٹرمپ کی جانب سے مدعو کیے جانے کو بھی پاکستان کے لیے اعزاز قرار دیا۔